為咗Marco, 哩幾個月都幾煩... 朋友一番話令我覺得我有需要去將所有事實一次過講出嚟, 就係咁, 我開咗個profile 出嚟同喺facebook度講哂佢啲大話出嚟。我亦會正式以書面回覆破管署有關Marco借錢嘅查詢。
雖然係咁，哩幾個月嚟，換來就係一大堆自以為好聰明嘅人的冷嘲熱諷, 一大堆似是而非對我嘅謠言及悔辱嘅猜測, 一大堆話我迫人太甚以本傷人嘅指責。
我無後悔......後悔係唔清楚嘅情况下借咗錢俾佢去吸毒!
我要重申一次, 我同佢冇關係, 係朋友, 好耐冇搵嘅普通朋友。當初佢搵我幫手我都好諤然, 我問咗佢其中一個好朋友, 佢朋友嘅答覆係 “Yes, his life is a mess, just help him out, I have already lent him money” 就係咁我相信。Marco 嚟呃我錢唔出奇, 但係我當時諗佢點都唔會呃朋友掛, 話哂都係佢好朋友…… 當然, 我估計錯咗,因為佢連佢好朋友都呃埋……
Anyway, 但亦都係咁我亦認識倒一堆俾Marco 呃咗錢嘅人, 亦防止咗一啲原本諗住借錢俾Marco但知道真相而到最後都冇借錢俾佢嘅人。當然, 冇借俾佢嘅人遠多過借俾佢嘅人啦。
同一時間佢嘅債主亦開始接力整 profile, 上tt1069爆Marco大鑊同道出真相, 我附和但冇幫手, 咁樣我哋亦同樣認識更多嘅人。Marco債主出手亦的而且確係減少咗我要同唔同人溝通嘅時間同工作量所以我可以尊心我自己嘅工作。:
愈認識得多佢身邊借咗錢同俾佢呃嘅朋友就愈多真相走咗出嚟, 好似性病, 吸毒, 勒索, 坐監, 案底...... 亦令我知道其實Marco嘅整個人生都係假。佢嘅屋企家姐姪仔，佢讀書工作同破產原因, 全部都係假, 更令我開始明白倒一個以借錢為生破產嘅人係點樣摧毀佢自己嘅人生， 就係吸毒同充大頭鬼，失控嘅吸毒同失控咁消費。
我終於可以鬆口氣, 亦可以大大聲講自7月起已經唔關我事。
佢哋終於攤牌... 詳情唔講, 因為冇咩好講, Marco依舊大話連遍, 知道真相後依舊一聲不響，跟住發爛渣堅持自己講真話，作故仔數臭其他人, 之後話人哋冇當佢係朋友, 跟住走咗去...
Marco有冇後悔怪錯咗我同另一個受害人，有冇後悔凌晨不停嘅滋擾錯咗我同另一個受害人 (包括凌晨3點在樓下大叫要對話或者喺人屋企樓下等成日又或者凌晨send一大堆佢作出嚟嘅故仔話我有愛滋) 同恐嚇 (話去人哋工作地方大吵大鬧或者影咗相去派街坊之類)...... 我唔知。不過可以好肯定，佢嗰晚好柒, 好樣衰... 佢啲大話慢慢好似洋蔥咁一層層咁俾全世界拆散哂!
當Marco好得戚咁自以為佢找倒我悔氣, 以為中傷倒我, 仲要好耀武揚威咁喺佢債主面前講到自己點威，數臭我同其他人嘅同時。佢依家先知道搵錯對象同真相，嗰一刻，真係好好笑。佢呃哂佢所有朋友咁耐，佢攪咗我同其他人咁耐依家先知道原來自己一路都搵錯對象，而對付緊佢亦係佢自以為係佢最好由細睇到佢大, 由細玩到大同借錢俾佢嘅朋友。亦依家先知自7月起我哋一班人見過好多次面亦交換同對過whatsapp睇... 唔同嘅破產理由, 話自己做緊唔同嘅工作, 不一樣嘅上班時間同地點等等......
我曾經諗過，如果爆佢大鑊佢會的起心肝做人，會為咗同我鬥氣去證明我講大話而去搵嘢做，但自我同佢攤牌到現在哩一刻，佢依然冇嘢做，攞綜援同吸毒…… 佢依舊周圍借錢。預期佢會選擇做工去證明我錯我講大話，或者因為借唔倒錢要面對現實咁去搵嘢做，佢反而選擇講更多嘅大話作更大嘅故仔，扮有工返但未出糧或者俾破管攞哂咁去借錢。跟住就係半夜三更作故仔中傷我同其他人分享哂出去...
朋友曾經問我見佢淪落到要終日喺商場乞食係咪好心涼，唔好意思，我一啲都唔開心。冇人會想睇住朋友死。我唔係咁嘅人。佢好, 佢發達我會為佢高興。但可惜佢選擇乞。
係，攤牌嗰晚我唔排除我有少少心涼，但唔係因為佢已經攪到自己衰到冇得再衰，心涼係因為佢所有大話喺佢識得最耐嘅朋友面前都穿哂崩。不過佢可能都會認為係我指使其他人咁做, 而佢依然堅持佢冇錯。
終於可以回覆平靜...... 哩啲年頭好複雜，好麻煩。好多人每件事都會套入一大堆“小人”理由，又會以“世事都給我看透了”自以為有好多人生經驗咁去教其他人咩偉大嘅“人生大道理”。因為我覺得朋友之間互相幫助好合理!
在我世界裡，我睇唔倒有咩原因要去猜度人，因為如果做朋友要花時間不停去估吓邊個講大話我覺得做人會好辛苦好無聊，我好忙，冇時間做哩啲無謂嘢。世上冇人係完美, 所以我從來唔覺得任何人有資格去批評其他人, 既然哩個年頭做朋友咁麻煩，都係做返自己夠，我有足夠嘅朋友。咁多年來我有好多好朋友。我哋唔會坐埋一起哂身家，坐埋一起數人是非，坐埋一起話俾人知自己有幾叻幾本事。因為係朋友，我哋只會聽大家嘅心事困難，只會支持同尊重，分享自己經驗經歷，唔會將自己嘅人生價值觀套落去其他人度亦唔會批評指責，甚至諷刺。
好囉，終於可以回覆平靜。至於Marco, 我同其他人只會講真相，人家問我，我唔會幫佢講大話，幫佢去呃其他人，我只會盡量減少其他人俾佢呃嘅機會，就係咁多
沒有留言:
發佈留言