好多人都會覺得借得錢俾Marco就一定同佢有嘢... 但我可以話俾全世界知, 我同佢一啲關係都冇.
我識咗Marco都差唔多十年, 但都係斷斷續續,佢每每會失蹤幾年,冇耐就會出現返, 我初初識佢其實印象唔差, 我仲會請佢同佢朋友嚟我屋企燒嘢食. 我識佢嗰陣佢同佢阿爸住, 話佢有個唔生性嘅家姐偷嘢又攪大個肚有個仔由阿媽照顧, 佢阿爸會上大陸按摩後飲完茶先返屋企. 佢嗰陣話自己做倉務但係就跟唔上成日俾人爛. 冇幾耐佢就消失咗. 幾年之後佢又出現返,佢嗰陣冇嘢做但就讀緊書. 佢冇再同阿爸住而一個人住公屋. 就係天恩. 我見佢咁細個又要讀書又冇嘢做, 所以我會請佢做嘢搬貨. 有陣時見佢冬天又冇衫著我就俾咗件褸佢. 又幫佢屋企裝修整嘢,又送一啲家電俾佢所以佢可以煮嘢食慳錢, 有一次我朋友送咗部三星電話俾我, 都成4500, 我自己又啱啱買咗部,Marco 話佢自己電話壞壞地, 我就索性俾咗部新電話佢話同佢交換, 點知佢攞咗去部舊電話去賣, 放咗又冇俾返啲錢我, 我追佢攞返啲錢,佢就俾一半我話要留返一半用嚟讀書用 我都算喇 ... 冇耐隔多一個月倒, 佢又失蹤...
佢再出現就係上年, 佢話佢好慘,冇嘢做又俾佢個臺灣男朋友呃哂啲錢... 欠落成身債, 佢話冇哂錢又冇嘢食, 所以我就借咗啲錢俾佢同買咗嘢俾佢食. 冇耐佢又出現話佢想借一萬倒攪破產, 佢話好急又要出庭, 叫我即刻過俾佢, 但我真係冇咁多cash, 所以冇借俾佢. 無耐我再whatsapp佢睇吓佢近况點, 佢就好似失憶咁咩嘢都冇發生過. 中間我哋拉鋸幾個月, 搵工俾佢,佢又話呢樣嗰樣唔做低下層工作, 又話自己有精神病, 我見佢咁就費事理佢
有次我喺9公見倒佢,whatsapp佢諗住車佢返屋企,但係佢同我講話自己返緊工. 無耐佢又借錢話冇錢食飯, 我覺得唔對路,冇借, 不過買咗食物俾佢叫佢嚟攞, 佢話冇力, 要我車俾佢, 無耐又whatsapp 借錢返工, 我無理佢, 叫佢還錢佢就失蹤冇再搵我... 不過佢間唔中都會凌晨whatsapp 我9唔搭8, 一時又話要裝修間新公屋, 一時又話要借底褲, 一時又扮第二個人話唔好迫佢返工迫佢還錢會迫死佢, 咁又拉鋸咗幾個月直至我有日見倒個jackd profile叫人唔好借錢俾佢已破產, 嗰一刻我知捉虫. 我同嗰個人見面, 我哋坐低對whatsapp, 跟住就知佢係大話精, 我跟住接手去搵其他受害人, 愈搵愈多, 愈搵愈心寒, 佢啲大話同做戲不單可以攞獎, 直頭好得人驚. 吸毒,勒索,性病,呃錢,犯法,甚至成個人生過去到現在全部都係大話...
拉鋸多兩個月, 昨晚同佢攤牌, 佢震驚之餘 終於肯認講大話, 冇嘢做同吸毒, 但佢就不停數臭有人唱佢屈佢, 話人仆街又話人點點點, 又唱人哋咩愛滋, 吸毒, 又話人哋攪埋一起吸毒, 我心諗你估好似佢咁講大話老作咩, 人哋都係講事實, 佢的而且確係冇嘢做吸毒同呃錢喎, 根本唔係唱佢, 係佢自己冇用唔識做人, 書都未讀完就要做高層搵幾萬, 吸毒駛錢失控...
真係好好笑, 我同佢講唔好話人, 係我約哂所有人出嚟, 對過哂whatsapp, 對過佢啲大話, 個個唔同, 點破產, 什麼欠貴利數俾人拉出屋打, 冇錢搭車返工, 返咩工, 又或者荃灣, 香港仔, 九龍灣, 深井返工但冇錢返屋企, 咩要錢跟師傅學按摩又話讀咩護理, 唔見銀包, 供保險, 交電費交租, 買電話, 供姪仔讀書, 父母有病, 佢自己有病之類, 數之不盡, 全期都話自己做保安呀,執貨呀,待應呀,按摩呀, 美容之類, 一出糧即還... 佢冇出聲, 佢大話穿哂又怪錯咗人, 佢跟住發爛楂, 話我冇當佢朋友... 消失咗...
佢啲大話俾人識穿哂之後諗住佢會無地自容咁消失, 點知佢面皮又真係厚到冇人有, 一日打好多次電話嚟, 又凌晨whatsapp 嚟煩要我俾哩樣嗰樣各樣那樣嘢佢, 真係衰到連乞衣都不如, 一啲骨氣都冇
沒有留言:
發佈留言